سعر الصرف بيعتبر مؤشر للحالة الاقتصادية لأي بلد، وله تأثير على معدلات التضخم والتجارة، وحركة الأموال بين الدول وبعضها. وكمان تكاليف الإنتاج بتتاثر بيه، وبالتالي هياثر على سعر المنتجات والخدمات.

بس ايه معنى المصطلح نفسه؟
سعر الصرف ببساطة هو القيمة اللي بنحسبها لما نيجي نبدل عملة معينة بعملة تانية.

بالإضافة إلى كونه كابوس كل مصري ومصدر رئيسي للضغط النفسي، التضخم معناه زيادة عامة في الأسعار وانخفاض قيمة العملة. تعالى نلقي نظرة على معدل التضخم في مصر بالأرقام:

في نوفمبر 2023، وصل المعدل ل 35
الكلام ده معناه ايه؟
نفترض انك روحت السوبر ماركت في نوڤمبر 2022 تشتري حاجات بـ100 جنيه
نكمل على نفس المثال علشان نشوف ازاي التضخم بيتراكم على مر السنين؟ نكمل..
فـ لو روحت تشتري نفس الحاجات بالظبط في نوفمبر 2023 هتطلعلك الفاتورة بـ135 جنيه.
ولو جيت تشتري نفس الحاجات برضه في 2024 هتلاقيها كلفتك 182 جنيه
وهكذا، في 2025 هتبقى بـ246.

(ده في حالة لو المعدل ثابت على 35 كل سنة، ودي حاجة عادة مابتحصلش لأن معدل التضخم بيتغير على أساس عوامل كتيرة مختلفة.الارتفاع اللي بيحصل ده معناه أن قوة شرائك انخفضت - يعني بنفس الفلوس هتقدر تشتري منتجات أقل.وبكدة التضخم بيقلل قيمة فلوسك.)

اوعى تخلي الأرقام دي تحبطك، بالعكس دي دعوة لتحسين ظروفنا المادية، وللتغيير للأفضل، والأفضل في الوقت ده هو زيادة معرفتنا ووعينا بأوضاعنا وبالأسباب اللي خلتنا فيه. عشان كدة تعالى نتعرف على أنواع التضخم المنتشرة في مصر.