مصر دولة كبيرة ومش سهل نحصر سلوك المواطنين وتاثير ده على التضخم والاقتصاد وعشان نحل المشكلة محتاحين نحدد انواع التضخم وتاثيرها علينا وازاي احنا بنفسنا بنساهم بجزء منها وازاي برضه نقدر نساهم بالحل.
أنواع التضخم في مصر
ايه ده! هو التضخم ليه أنواع؟ طبعاً، تعالى نعرفهم سوا..
💸 التضخم الناتج عن الطلب:
التضخم الناتج عن الطلب بيحصل لما الطلب على السلع والخدمات بيزيد عن الكمية المتوفرة منها. ودا بيخلي الشركات ترفع اسعارها عشان تقدر تكفي الطلب ده، سواء بزيادة العاملين أو زيادة المنتج وفي الحالتين بيتكلفوا أكتر من الطبيعي فبيضطروا يرفعوا السعر على المستهلك.
التضخم الناتج عن الطلب في أي بلد ممكن يكون سببه إنفاق المستهلكين القوي أو وزيادة الإنفاق الحكومي، أو سياسات النقد التوسعية.
في 2023 رد كتير من المصربين على التضخم وتخفيض العملة بعقلية احنا هنعيش كام مرة" ..
علشان كانوا خايفين أن الأسعار تستمر في الارتفاع، الناس كانوا حاسيين إنهم في سباق ضد الوقت، وعلشان كدا استعجلوا في شراء اللي كانوا محتاجين او اللي حاسيين إنهم ممكن يحتاجوا يشتروه، وبالتالي الطلب زاد.
عادة التضخم الناتج عن الطلب ممكن يكون علامة على اقتصاد في مرحلة نمو، لكن في حالة مصر في عوامل تانية إضافية. التضخم الناتج عن الطلب في حالتنا بيدينا رؤية واضحة عن عادات إنفاقنا كمصريين، مثلا بنشتكي من ارتفاع الأسعار برضو نستمر في الشراء بنفس الطريقة أو حتى أكثر، أحياناً حتى بدون وفرة الفلوس فبنلجا إلى التقسيط.
💪 إزاي ممكن الفرد يساعد في تقليل التضخم الطلبي؟
خلي عندك وعي وفهم لقوتك الشرائية. مثال حلو على قوة الأفراد في تغيير الأسعار هو مقاطعة المشروبات الغازية والمنتجات الأجنبيةاللي حصلت كرد فعل للعدوان على غزة - شوفنا بعد ما أثبتت المقاطعة فعاليتها وبالفعل تراجع الطلب.تخفيضات كبيرة على المنتجات اللي تم مقاطعتها لتحفيز الناس على إعادة الشراء.
وده مثال حي على انه الطلب لما يقل على أي منتج أو خدمة سعرها بيقل.
💸 التضخم الناتج عن زيادة التكاليف:
التضخم الناتج عن زيادة تكاليف إنتاج السلع والخدمات بيحصل لما تكاليف الإنتاج بتزيد، وده بيؤدي لزيادة الأسعار، وإرتفاع الأجور، وزيادة تكاليف الطاقة، وتخفيض قيمة العملة الوطنية اللي بيرفع أسعار الواردات، كل دول يعتبروا من العوامل اللي بتساهم في النوع ده من التضخم.
💪 إزاي ممكن الفرد يساعد في تقليل من التضخم الناتج عن زيادة التكاليف؟
في حين أن الحكومة بتلعب دور في إدارة التضخم الناتج عن زيادة التكاليف، أحنا كأفراد علينا مسؤولية كبيرة، بكل بساطة بتتمثل في اننا نستغنى عن المنتجات الأجنبية ونشتري بدائل محلية، بالشكل ده هنشجع الإنتاج المحلي وهنقلل الاعتماد على الاستيراد، خاصة في ظل تعرض عملتنا لتخفيض حاد في قيمتها.
💸 التضخم الناتج عن الواردات:
وده بقى يعتبر من اخطر أنواع التضخم، علشان له تأثير عميق على جوانب كتير من الاقتصاد بما فيها تخفيض قيمة العملة وارتفاع الأسعار.
استيراد السلع بيحتاج للعملة الأجنبية (عشان بتدفع بيها) وده بيزود الطلب على العملة دي، ومن الناحية التانية بيقلل الطلب على الجنيه المصري وبالتالي بتقل قيمته. وحقيقة ان مصر عندها عجز في الإنتاج والصادرات بيخلي الموضوع أخطر لأن ارتفاع معدلات التضخم خارج مصر- زي ما حصل بعد الكورونا - بيأثر علينا جامد لأن تكلفة استيراد السلع بتزيد بسبب زيادة تكلفتها بالدولار بالإضافة لتضخم العملة المصرية. التضخم الناتج عن الواردات له تأثير في التضخم الناتج عن زيادة التكاليف اللي بتزود من التضخم الناتج عن الطلب.
💪 إزاي ممكن الفرد يساعد في تقليل من التضخم الناتج الواردات؟
على الرغم من أن الحكومة بتلعب دور في إدارة سعر الصرف من خلال البنك المركزي ومن خلال سياسات التجارة، الأفراد كمان بيلعبوا دور مهم في الحد من التضخم الناتج عن الواردات والخبر الحلو إننا فعلا بنعمله عن طريق مقاطعة السلع الأجنبية اللي بتتم دلوقتي.
اننا بالفعل بنشتري بدائل محلية بدل المنتجات المستوردة اللي كنا متعودين عليها، وده بيشجع الشركات المحلية تنتج وتنافس السوق الاجنبية وتنافس بعضها كمان، وبيحرك فلوس أكتر في سلسلة القيمة المحلية (المشروحة في مقال سابق)وكل ده يوفر لاقتصادنا البيئة اللي تخليه ينمو، لأن الفلوس بيتم إعادة استثمارها في مصر.
فترة عدم الاستقرار الاقتصادي اللي بنعدي بيها بتأثر علينا أكتر مما نتصور، وكل واحد مننا عليه مسؤولية أنه يكون واعي بالعوامل اللي بتأثر عليه علشان يقدر يتكيف مع الوضع ويعمل تغييرات إيجابية.
❤️🩹 التأثيرات العاطفية:
تقليل القوة الشرائية بيؤدي لمشاعر إحباط وعدم رضا وفقدان للدوافع مما يؤدي لتأثير سلبي على شغف الإنسان للإنتاج والعمل وممكن نتخذ قرارات متهورة ومش محسوبة بسبب مشاعرنا السلبية.
إرتفاع تكاليف الحياة بيخلينا في حالة من القلق والإجهاد. لما نبدأ نقلق هنعدي الشهر إزاي، بنعيش في حالة من عدمالاستقرار المادي وده بيهدد استقرار حياتنا ويؤثر على جودة يومنا وعلاقاتنا وصحتنا وقدرتنا على التحمل والتكيف.
ان الفلوس اللي أنت شايلها أو مستثمرها قيمتها تقل بيخليك تحس بظلم، وممكن كمان بعض الناس يحسوا إنهمضحايا لعدم الاستقرار الاقتصادي. ده موضوع خطير خصوصا لأن مشاعر العجز الناتجة عن عدم الثقة في اتخاذقراراتنا بتوقف في طريق الشخص للنمو المادي و المعنوي.
🧠 التأثيرات العقلية:
تحديات اتخاذ القرارات: التضخم ممكن يخلي اتخاذ القرارات المالية شيء معقد بسبب الشك المستمر، وكمان يصعب جذا الحفاظ على تفكير إيجابي وإدارة عواطفنا بطريقة صحية خلال فترات عدم الاستقرار الاقتصادي.
عدم الثقة في الاقتصاد: معدلات التضخم المستمرة أو العالية ممكن تدريجيا تقلل ثقة الناس في استقرار النظام الاقتصادي، وده ممكن يكون له آثار أوسع على التماسك الاجتماعي وثقة الناس في المستقبل وحماسهم للإنتاج، إحنا عارفين إن 2023 كانت سنة صعبة، وكان فيها تحديات كتير، بس مهم نفهم تأثير ده علينا علشان نخفف منه بفعالية عن طريق زيادة الوعي. إذا سمحنا لعواطفنا السلبية التشاؤمية تتحكم فينا، هنبقى بنخاطر باتخاذ قرارات سيئة هتكبر المشكلة وتخليها تستمر لفترات أطول.
وعشان نساعدكم تبدأوا جمعنالكم قائمة او تقدروا تسموها "الوصفة السحرية لعالج الأزمات المالية، بالمنزل!" شوية خطوات عبارة عن 3 مراحل، تقدر تطبقها عشان تحافظ على صحتك العقلية والعاطفية، وكمان تحافظ على قيمة مدخراتك خلال فترة عدم الاستقرار الاقتصادي في مصر.
محتاج يكون عندك قوة ومرونة عقلية للتعامل مع الوضع عن طريق الاساليب دي:
🟢 قلل من الديون والأقساط اللي فايدتها عالية وتجنب تكوين ديون جديدة.
وحاول في المرة الجاية بدل ما أول حاجة تيجي في بالك إنك تعمل ديون جديدة، تسأل نفسك أسئلة زي:
- هل أنا فعلاً محتاج اشتري ده؟
- هل هندم لو ما اشتيرتهوش؟ ولّا هندم أكتر لو اشتريته؟ - سواء بقى الندم هيجيلك أول ما ادفع تمنه كاش أو على ما تخلص أقساطه
- ليه عايز اشتريه؟ هل في سبب حقيقي له قيمة او منفعة؟
🟢 تابع الاخبار وخليك مطلع على المعلومات بشكل دائم، في مواضيع الاقتصاد ومعدلات التضخم وتخفيض قيمة الجنيه - من مصدر موثوق - وافهم تأثير ده عليك. ده هيساعدك تاخد قرارات مدروسة ومبنية على علم ومعرفة.
🟢 ماتخافش تسأل واستفيد من المستشارين ماليين أو خبراء اللي يقدروا يقدموا نصايح في إدارة أمورك المالية خلال فتراتعدم الاستقرار الاقتصادي لو كان الشك يؤثر على قدرتك على اتخاذ القرار.
🟢 ركز في مصاريفك واعتمد على التسجيل علشان تعرف الحاجات اللي ممكن توفر فيها، وهتتفاجئ من الحاجات اللي مش مهمة وانت مضيع جزء كبير من فلوسك عليها.
🟢 دوّر على العروض والخصومات وياسلام بقى لو كانت على منتجات محلية زي اللي هتلاقيها على فلاش تبقى ضربت عصفورين بحجر واحد. [ ارجع للجزء الأول من المقالة دي اللي بيوضحلك ازاي شراء المنتجات المحلية بيأثر بالإيجاب عليك وعلى البلد بشكل مباشر.]
🟢 حدد أولوياتك واتعلم إزاي تعمل ميزانية واعرف أكتر عن طرق التوفير والاستثمار وإدارة الديون، ده هيخلي عندك وعي مالي اكتر بأمكانياتك واحتياجاتك، وهيساعدك تكون مسيطر على وضعك المالي بشكل أفضل. اعرف أكتر عن الميزانية من المقالة دي.
🟢 اعمل صندوق طوارئ يغطي المصاريف الغير متوقعة (أو حتى عشان تستلف من نفسك). حاول توفر جزء من دخلك بصورة منتظمة حسب ظروف حياتك، عشان تكوّن مبلغ يقدر يغطي مصاريفك شهرين أو تلاتة أو أكتر، ده هيديلك شعور بالأمان.
🟢 خلي عندك مصادر دخل مختلفة لو أمكن. في الوقت الحالي، في طرق كتير بديلة تقدر تدخل بيها لنفسك دخل سلبي عن طريق حاجات أنت مهتم بيها او بتحب تعملها بصورة جانبية جنب شغلك الأساسي.
🟢 شارك مخاوفك ومشاعرك مع عيلتك أو الأشخاص اللي بيحسسوك براحة ودعم. هتحس براحة لما تكتشف أنناس غيرك حاسيين باللي أنت حاسس بيه.
🟢 اشترك في أنشطة بتساعدك على التخلص من التوتر و بتساعدك تحس بالاستقرار والراحة. اعمل حاجات بتحبها أكتر، ده هيأثر على حياتك بشكل إيجابي.
🟢 استكشف ممارسات جسدية زي التنفس والحركة بوعي والتأمل
🟢 ركز على أهدافك بدل الأسباب اللي بتخلي تحقيقها صعبة لان دايا هيكون في تحديات علشان توصل للي تتمناه.بس الأول لازم تعرف أهدافك وتحدد الأهداف قصيرة وطويلة المدى، لو عندك اهداف واضحه ليك هتتحول لمصدر إلهام و حماس ليك.
🟢 طبق مفهوم المرونة العقلية، ده هيساعدك على التكيف بسهولة أكبر مع التغييرات اللي بتحصل من خلال إدراك الفرص والبحث عنها، بالإضافة إلى مراجعة أهدافك وإنك تتحرك باستمرار وتظبط استراتيجياتلك وخططك حسباللي أنت محتاجه.
استخدم الاساليب المناسبة ليك من اللي شرحناهم علشان تساعد نفسك على الحفاظ على تفاؤل يخليك تقود حياتك وتاخد قرارات بناء على معلومات تخليك قادر انك تلعب دور فعال في تشكيل مستقبلك.محرج تسأل اصحابك بيصرفوا كام على فواتيرهم؟نزل تطبيق فلاش علشان تعرف الناس بتصرف قد أيه. في قسم المقاييس عندنا هتعرف لو كانت فواتيرك في المتوسط أو فوق المتوسط، أو في الأمان.
