%201-4.webp)
أكيد ليك صاحب، أو زميل في الشغل، أو حتى السوشيال ميديا نصحتك قبل كدة انك تعمل ميزانية. بس السؤال هنا، هل انت عارف يعني ايه ميزانية، أو ازاي تعمل ميزانية؟
طيب، باختصار، يعني ايه ميزانية؟
الميزانية هي حسابك المستمر للفلوس اللي بتكسبها، قدام الفلوس اللي بتصرفها، في وقت معين،على حاجات معينة، عشان تحقق أهداف معينة ، بس كدة يا سيدي
أومال احنا مصعبين الموضوع على نفسنا ليه؟
%202-4.webp)
اللي مخلينا مش عارفين نطبق الميزانية على أرض الواقع هو أحد الأسباب دي، أو كل ما سبق
- عامةً متعلمناش ننظم حياتنا وندير تفاصيلها.
- مشغولين نستثمر في عادات غلط جديدة.
- بنخاف نقول لأ للمجاملات الاجتماعية.
- ناقصنا شوية تشجيع عشان نبني عادات جديدة صحية.
سألنا الناس على انستاجرام، بتستثمر فلوسك في ايه؟
- الأسهم والعقارات
- الذهب
- العملات الأجنبية
- ولله مابلحقش، بصرفها على نفسي!
وطبعاً ماكنتش مفاجأة ان النسبة الأكتر راحت للأختيار الأخير! اغلبنا بميل انه يدلع نفسه، ويصرف فلوسه على المتع اللحظية والمؤقتة، خاصة بعد يوم صعب أو مجهود متواصل طول الشهر.وده شيء مفهوم جداً، لأنه بكل بساطة، حقك
لكن...
ايه اللي بيحصل كل مرة بتقبض المرتب وتقرر انه "العمر واحد والرب واحد"
.jpg)
ما كلنا عارفين ومؤمنين بدة، لكن ايه المانع انك تعيش الحياة اللي بتتمناها طالما تقدر تحقق ده، بس انت اللي مش مدي لنفسك الفرصة.
بما انك جربت الطرق القديمة ومانفعتش معاك، ايه رأيك تدي فرصة للميزانية وشوف، هتفرق في ايه في حياتك لما تحط ايدك على تفاصيل فلوسك وتعرف تديرها؟
بمناسبة الإدارة، حد يعرف مصطلح الميزانية ده جه منين؟
زمان في القرن الـ15 كان في كلمة فرنساوي اسمها "bougette" ودي كانوا بيقولوها على الشنطة الجلد اللي الناس بتشيل فلوسها فيها.لحد 1880 ما الكلمة دخلت القاموس الانجليزي بشكل budget كفعل للتعبير عن تنظيم الفلوس.ونفس الشيء بالعربي، الميزانية جاية من التوازن، اللي بتسعى لتحقيقه باستخدامها في كل جوانب حياتك المالية، بما فيها اهدافك القريبة والبعيدة.
تمام، يعني الادارة هي كلمة السر لحياة مالية صحية؟
مش دي الاجابة لوحدها، الموضوع عبارة عن عملية متكاملة. عشان كدة احنا عملنا سلسلة مقالات بسيطة، على شكل
دليل للمبتدئين عشان تعرف بسهولة تحط ايدك على تفاصيل فلوسك
دليل للمبتدئين عشان تعرف بسهولة تحط ايدك على تفاصيل فلوسك
سلسلة دليلك للميزانية لو لسة بتبدأ فيها:
- يعني ايه ميزانية؟
- مفاهيم غلط عن الميزانية.
- ازاي ألتزم بالميزانية.
يعني ايه ميزانية ؟
وليه المفروض اعمل واحدة؟
اكيد سألت نفسك قبل كدة انا ليه فلوسي بتخلص قبل نهاية كل شهر؟ ازاي ابقى منظم؟
طب ليه مش بيكون معايا فلوس كفاية عشان استثمر، أو حتى أطلع سفرية كل شوية؟
