فكرة التحويش تقيلة على قلبنا شوية وكلمة استثمار بقى بتحسسك بمسؤولية كبيرة أنت مش قدها.. بس انت في الحقيقة قدها! أنت بس اللي لسة حاسس انك عندك 13 سنة والعالم حواليك بيقنعك بعكس دا.. مع الأسف الشديد.. احنا كبرنا خلاص ومضطرين نبدأ ناخد أكشن ونشوف هنحوش فلوسنا ولا هنستثمرها..

الفرق بين التحويش والاستثمار ان كل واحد ليه غرض معين، التحويش بيخدم أهداف على مدى قريب ومخاطرة أقل لكن الاستثمار بيحقق أهدافك لكن على فترات أطول وبيكون فيه جزء من المخاطرة..

تهت مني؟

تخيل نفسك ناوي ترتبط وبتدور على الشريك المناسب ليك منهم، هتختار تكمل مع مين؟
 مع التحويش؟ الشخص السلس اللي دايس معاك في اي حاجة في اي وقت ومش واخد الدنيا جد اوي، بيفكر في دلوقتي وعايش اليوم بيومه.. لأن مع التحويش، انت شايل فلوسك على جمب وتقدر تسحب منها اي وقت عشان تشتري مثلا لاب توب جديد.

 ولا تكمل مع الاستثمار؟ الشخص اللي عايز يبني عيلة وبيت فا بيدور على أحسن طرق يحقق بيها استقرار مادي فا حاطط الفلوس في أصول أو مشاريع أو عقارات عشان يأمن مستقبلك قدام.

وزي اي علاقة في الدنيا بتدخلها.. انت بتختار شريكك على أساس احتياجاتك وأنت في انهي مرحلة من حياتك دلوقتي- ووضعك المادي يسمح بايه.. نفس الشيء ينطبق على الماديات.

في النهاية، كله معتمد على أهدافك الحالية.

• فترة التعارف: الوقت

  يعني انت في الوقت الحالي بتدور على ايه مناسب لشكل حياتك؟ بتدور على الاستقرار وانك تبدأ عيلة وعايز تستثمر فلوسك في مشروع أو أسهم؟
  
  ولا حاسس انك لسة بدري وعايز تستمتع بشبابك وتقديها فسح وسفر؟ فا اللي محتاجه هو إنك تحوش وتصرف اللي حوشته في أهداف قريبة المدى زي سفر.. موبايل جديد أو حتى لبس!

  

  في الأول والآخر، هو مفيش طريقة صح وطريقة غلط.. فيه انت في انهي مرحلة من حياتك؟ وبتفكر في المستقبل البعيد ولا في دلوقتي؟ 

  

• الred flags: المخاطر

  التحويش اكيد هيساعدك تتبسط بس هل هتقدر تكمل حياتك بالشكل دا؟ يعني لو فكرت في المستقبل قدام، هل دا هيساعدك تكبر وتحقق اللي نفسك فيه؟ خصوصا مع التعويم والتغيرات المستمرة اللي بتقلل كل شوية من قيمة المبلغ اللي بتحوشه والفايدة اللي هتجيلك من المبلغ اللي شايله مش بالضرورة تحقق لك الربح اللي بتطمح بيه..يعني مثلا تبقى بتحوش X عشان تغير موبايلك، تنام تصحى تلاقيه بقى الدبل! بتحصل! 

  

  *Replace buy now pay later with “Inflation”* 

  بس دلوقتي لو اخدت X اللي معاك و وحطيته في مشروع، هيجبلك فلوس باستمرارية بس ممكن جدا على مدى طويل مش حالا.. ولازم تعمل حسابك ازاي ممكن تتخطى أي مخاطر ممكن تواجهك في سبيل انك تحقق أهدافك على المدى البعيد. 

  

  فالسؤال هنا عايز هل تاخد الريسك في سبيل مستقبلك قدام ولا تخليك في الأمان وفلوسك تشيلها معاك؟ 

  

• الGreen Flags: العائد المادي

  بالنسبة للتحويش، كونه سهل ومتوفّر بسرعة يعتبر ميزة كبيرة، ولو كنت تدور على علاقة سهلة ولذيذة مع فلوسك فخلاص، التحويش هو الحل.

  أما الاستثمار، العلاقة معاه بطيئة ومستمرة على المدى الطويل، بس مع الوقت، ممكن تنمو بشكل كبير وتكون من أحسن التجارب اللي مرت عليك وقدام هتشكر نفسك. 

  

  Write on it الاستثمار الحلال اهو
  ‍

  لاختيار بين التحويش والاستثمار ممكن يبان صعب، بس هو معتمد عليك وعلى أسلوب حياتك واللي انت محتاجه حاليا. بس احنا نقدر نوجهك في الاتجاه الصح والأنسب ليك! 

  
  نزلوا ابلكيشن فلاش وتابعوا باقي السلسلة عشان نساعدك أكتر في القرار.. 

|

download flash now