عامل حسابك عليه

التحويش زي ما تكون في علاقة مع شريك يعتمد عليه، بيدوّر على الاستقرار والأمان وموضوع البدء فيه سهل جدًا. على عكس الاستثمار اللي بيحتاج بحث وتخطيط، أي حد يقدر يبدأ يحوّش بدون تعقيدات. كل اللي عليك تعمله إنك تفتح حساب توفير أو شهادة إيداع وبس كدة!

النهارده كمان فتح حساب توفير بقى أسهل من أي وقت. أغلب البنوك بتسمحلك تفتح حساب أونلاين في كام دقيقة بس. مش لازم تكون فاهم في البورصة والاقتصاد، بطريقة بسيطة وواضحة تخلي فلوسك محفوظة بأمان أو حتى أبسط من كل دا، ممكن بكل سهولة تحوش فلوسك في البيت وتلاقيه تقسيمة كويسة تشيل بيها اللي حوشته على جمب.

أمان: كله بمزاجك

التحويش معناه إنك هتقدر تسحب من فلوسك أي وقت من غير قيود، زي الشريك اللي دايمًا قريب منك وممكن تعتمد عليه. فا سواء كنت بتواجه حالة طارئة غير متوقعة أو بتخطط لسفرية حتى، السيولة دي معناها إنك تقدر تاخد قرارات مالية بسرعة، تسهل عليك تصرف على احتياجاتك بدون مشاكل.

التعويم: الشرير في رواية أحدهم 

التعويم عامل زي الاكس اللي بيظهر فجأة في حياتك و يبوظها! الفلوس اللي حوشتها دلوقتي ممكن تحس إنها في أمان، لكن مع زيادة تكاليف المعيشة، قيمتها الشرائية بتقل مع مرور الوقت. فا اللي هتحوشه على أمل انك تجيب سلعة معينة، ممكن اوى على ما تحوشه تكون السلعة دي غليت.. زي اي علاقة لو مهتمتش بيها كل فترة وحاولت تعمل حاجة جديدة.. فلوسك كان محتاج تطمن على قيمتها كل شوية في وقت التضخم ومع سعر الدولار والتعويم..

 فرص ممكن تروح عليك

التحويش طريقة آمنة على المدى القصير، لكنه غالبًا يفتقد الحماس اللي ييجي مع النمو. زيّ العلاقة اللي تكون دايمًا ثابتة ومريحة لدرجة ممكن تبقى مملة. فين الأكشن! فين المغامرة! فين السسبنس! حسابات التوفير بتديك أمان، بس بتحدّ من فرصتك إنك تحقق عوائد أعلى من خلال الاستثمار. زي العلاقة اللي عمرها ما بتتحداك، لو ركزت على التوفير بس، ممكن مكسبك يبقى أقل من لو استثمرته.

أسعار الفايدة في الحسابات دي عادةً بتكون قليلة، يعني فلوسك بتزيد ببطء شديد ومع الوقت، ممكن تلاقي إن الفلوس اللي جمعتها قيمتها قلت أو زي ما هي بسبب التضخم اللي بيقلل من القوة الشرائية لفلوسك تدريجيًا. كأنك في علاقة مستقرة، لكن مفيش مجال انها تكبر وتطور؛ أنت مرتاح، لكن هل فعلًا بتتقدم؟ شايف العلاقة دي فين كمان 5 سنين؟

الاستثمار والتحويش ممكن يكونوا زي باتمان وسوبرمان، أبطال مختلفين اه بس الاتنين أقوية، واختيارك لمين هيساعدك بيعتمد على مهمتك اللي جاية.

 نزّل تطبيق Flash وخليك متابع معانا النصايح والاستراتيجيات اللي هنساعدك بيها تلاقي الطريقة المالية اللي تناسبك وتحقق لك أحسن مكسب.