هو في الحقيقة مفيش وصفة سحرية تخليك تلتزم بالميزانية!
الميزانية زيها زي أي عادة جديدة بتبنيها، محتاجة وقت واستمرارية عشان تبقى جزء من حياتك.
بس في كل الأحوال، احنا هنا علشان نساعدك، تعالى نشارك معاك وصفتنا اللي بتتكون من 5 مكونات أساسية!
%201-7.webp)
في 5 خطوات سهلة تطبقهم عشان تلتزم بالميزانية بتاعتك:
%202-7.webp)
الخطوة الأولى: ادفع لنفسك الأول
في الحقيقة ده نوع من أنواع الميزانية في حد ذاته، لكن ممكن تستفيد من الفكرة ونطبقها على الميزانية بتاعتنا. ادفع لنفسك الأول يعني أول حاجة تعملها بعد قبض المرتب، انك تدفع المبلغ اللي مخصصه للتحويش أو أي حاجة تانية مهمة قررت تلتزم بيها، وكأنه فاتورة من ضمن الفواتير.
الخطوة التانية: تابع مصاريفك
اكتب وسجل أول بأول كل حاجة بتشتريها او بتفكر تشتريها. وحاول تعمل جدول لنفسك واضح وسهل. علشان ده بيساعدك جداً تفرق بين المصاريف اللي ملهاش لازم وبين المصاريف الأساسية، وكمان علشان ماتتصدمش بإفلاس مفاجئ قبل نهاية الشهر!
ملحوظة: اتعلم أكتر ازاي تتابع مصاريفك من مجموعة مقالات مخصصة تساعدك تتابع وتنظم مصاريفك خطوة بخطوة.
%203-7.webp)
الخطوة التالتة: شجع نفسك
فاكر الأهداف اللي كتبتها في كشكول الميزانية بتاعك، أو الأبليكيشن أو حتى الإكسيل شيت اللي عملته.
استخدم الأهداف دي كحافز ليك بيشجعك تفضل ماشي على خطتك للميزانية، وشوف انت عمال تقرب من الهدف ده ازاي شهر ورا شهر، وحتى يوم بعد يوم، لأن كل يوم بتلتزم بيه وتمشي على خطتك يتحسب انجاز عملته.
ملحوظة: افتكر تحط الوقت، والمجهود، والتكلفة في اعتبارك وانت بتكتب أهدافك علشان تتجنب التأجيل أو الإحباط.
%204-7.webp)
الخطوة التالتة: اتعلم ازاي تقول "لأ"
شيء طبيعي جدا انك تقول لأ للحاجات اللي بتيجي عكس خطتك وأولوياتك، انت بس محتاج تمرن نفسك على: "ازاي تقول لأ بطريقة لذيذة" :)
%205-7.webp)
قول لأ لـ :
- الأكل أو الشوبينج العاطفي
- التهور في الصرف
- المجاملات الاجتماعية
- وأي حاجة تاية بتعطلعك عن أهدافك
الخطوة الرابعة: تابع الصورة الأكبر
دلوقتي انت المفروض خلاص اختارت حاجة سهلة تكتب فيها ميزانيتك.الحاجة دي هي أداة بتسهل عليك تراجع الميزانية في أي وقت. وكمان بتفكرك انك لسة بتتمرن على عادة جديدة، وده بيساعدك تتأكد اذا كنت لسة على الطريق الصح ولا انجرفت شوية، ودي علامة صحية على فكرة.
%206-7.webp)
أخيراً وليس آخراً..
الخطوة الخامسة: المكافأة (دلع نفسك):
لما تلتزم بأهدافك وميزانيتك فانت كدة تستحق مكافأة وهدية تقدمها لنفسك في نهاية الشهر/الخطة. اعمل لنفسك نظام مكافآت يكون واقعي وميأثرش على الخطة الأساسية.وبعدين ماتساش انت بدأت الموضوع ده ليه اصلاً. أيوة، بالظبط، عشان تعيش حياة أحسن.
%207-7.webp)
وفي الاخر ماتنساش ان الميزانية زيها زي أي عادة جديدة بتبنيها، محتاجة وقت استمرارية، فمتتوقعش انك هتعملها صح بنسبة 100% من أول مرة.
وبالتوفيق في طريقك للميزانية.
