🚫 كسر التابوه (عقدة الخواجة)

او بمعنى ادق "التعافي من عقدة الخواجة" وده مصطلح قديم اغلبنا عرفينه. وهو ان: "المنتج المستورد أكيد يستاهل الفلوس أكتر من المنتج المحلي". وفي الواقع الكلام ده مالوش أي دليل علمي، بالعكس !قرارك انك تشتري اللي بتحتاجه من المنتجات المحلية، هو قرار واعي انك تفيد بلدك وتستثمر فيها وفي الصناعة نفسها (ecosystem). تبنيك لفكرة "اشتري المحلي" او “shop local” بيخلي الصناعات المحلية تزدهر، والناس اللي حواليك تتشجع هي كمان تبدأ مشاريعها المحلية الخاصة.

👌 بتمرن عقلك على الاختيار المنطقي لما تشتري اي حاجة

‍واحدة من المميزات الكتير لشراء المنتجات المحلية، انها بتخليك واعي ومركز أكتر في اختياراتك، وبالتالي بتقلل القرارات المتسرعة والمندفعة اللي وارد نعملها واحنا بنشتري منتجات مشهورة.لانك لما بتيجي تشتري محلي وتجرب منتج لأول مرة، بتعمل عليه بحث وتسأل غيرك، وده بيعلمك تكون حذر أكتر في قراراتك الشرائية.
‍

💪 بتشجع على وجود منافسة صحية

‍بعض المنتجات المحلية مش بتقدر تنافس المنتجات العالمية من ناحية الداعية أو حجم الإنتاج أو التخزين أو حتى التوزيع. لكن قرارك انك تشتري المحلي بيساهم بشكل كبير في تحقيق أرباح أكبر للشركات دي، وده بدوره بيوفر القدرة على تطوير منتجاتها وبيساعد في اكتشاف وسائل إنتاج جودتها أعلى.

🌱 بتساعد على الاستدامة

‍لما تشتري المحلي بتتخلص من التلوث الضخم اللي بيحصل بسبب توزيع البضائع عالمياً، اللي بيكون سبب رئيسي في الاحتباس الحراري وتلوث البيئة.الوعي ناحية البيئة بيأثر بشكل مباشر على صحتنا، وده اللي الشركات المحلية بتعمله بشكل أكبر من الشركات العالمية؛ لأنها بتعتمد أساليب  إنتاج عضوية وأكتر مسؤولية تجاه البيئة، سواء في الأغذية أو المنتجات.

🎯 بتكبّر فرصتك في امتلاك منتجات نادرة ومميزة

‍الماركات العالمية عادةً بيكون عندها أنماط معينة لازم تطبقها علشان تقدر تبيع الإنتاج الضخم بتاعها، زي الموضة والترند، او المنتجات المرتبطة بموسم معين. في نفس الوقت اللي البيزنس المحلي بيتمتع فيه بمرونة أكتر بتخليه يخرج برة الصندوق ويصنع قطع مميزة ومتماشية أكتر مع ثقافة المستخدم واحتياجاته.